依家天氣涼涼哋，我諗有唔少香港人趁着假期都會想出去郊區行吓，小編今次就推介大埔一日遊俾大家啦
✨✨提提你: 記得喺大埔地質教育中心攞𠹺小冊子，除咗教你點行之外，仲可以邊行邊學到唔同行山景點嘅沿途風貌知識，唔講咁多出發啦🙋🏻♀️🙋🏻♀️
食完之後，我哋就即刻出發去馬屎洲，大約行咗半個鐘就會到㗎喇! 呢到喺屬於世界地質公園範圍，大家可以更加認識香港嘅大自然地方。除咗有連島沙洲望到之外，仲有唔同嘅奇怪天然石，等大家嚟呢度參觀啦!
📍 三門仔、馬屎洲
交通：喺大埔墟火車站搭20K小巴同74K巴士就到㗎啦
第二站，就嚟到綠匯學苑(舊大埔警署會址)，喺度除咗可以睇到舊警署嘅建築之外，仲可以知道更多小知識，絕對獲益良多。除此之外，仲可以喺互助店買到一啲本地耕種嘅農作物，支持一吓本地農業，非常有意義。
📍 綠匯學苑
地址：香港新界大埔運頭角里 11 號
第三站，就嚟到香港鐵路博物館，亦即喺舊大埔墟火車站，於1984年被列為法定古蹟。喺呢度除咗可以搵到唔少童年回憶之外，可以參觀到火車嘅真身。想去參觀之外，仲可以打卡，呃下like𠻹。
📍 香港鐵路博物館
地址：香港大埔大埔墟崇德街13號
嚟到第四站，今日最後一站喇 — 大埔老字號樹記腐竹。喺度除咗可以揾到唔同嘅腐竹產品之外，仲有特別嘅腐竹雪糕同雪條，採用咗100%嘅腐竹製成。
為咗迎合𠵱家健康嘅需求，都提供左唔少嘅素食，大家有興趣都可以去大埔買㗎。
📍 樹記腐竹
地址：大埔鄉事會街9-15號寶蓮樓2A
今日嘅行程就呢到啦，等下次小編再帶大家去玩啦！！
即刻睇片喇～～