𠵱家天氣涼涼哋，我諗有唔少香港人趁着假期都會想出去郊區行吓，小編今次就推介大埔一日遊俾大家啦〜〜
第一站，嚟到遊覽吓三門仔同埋馬屎洲之外，吹吹海風絕對喺一個唔錯嘅假日休閒活動，而且三門仔交通非常方便，搭小巴或者巴士就嚟到。今次小編仲去到三門仔名物小店，喺一對公公婆婆經營嘅，有好多人都特登入去食鳳爪㗎。
✨✨提提你: 記得喺大埔地質教育中心攞𠹺小冊子，除咗教你點行之外，仲可以邊行邊學到唔同行山景點嘅沿途風貌知識，唔講咁多出發喇🙋🏻♀️🙋🏻♀️
食完之後，我哋就即刻出發去馬屎洲，大約行咗半個鐘就會到㗎喇！呢度屬於世界地質公園範圍，大家可以更加認識香港嘅大自然。除咗有連島沙洲望到之外，仲有唔同嘅奇怪天然石，等大家嚟呢度參觀！
📍 三門仔、馬屎洲
交通：喺大埔墟火車站搭20K小巴同74K巴士就到㗎啦
第二站，就嚟到綠匯學苑(舊大埔警署會址)，喺度除咗可以睇到舊警署嘅建築之外，仲可以知道更多小知識，絕對獲益良多。除此之外，仲可以喺互助店，買到一啲本地耕種嘅農作物，支持一下本地農業，非常有意義！
📍 綠匯學苑
地址：大埔區運頭塘運頭角里11號 (舊大埔警署)
第三站，就嚟到香港鐵路博物館亦喺舊大埔墟火車站，於1984年被列為法定古蹟。喺度除咗可以搵到唔少童年回憶之外，可以參觀到火車嘅真身。想去參觀之外仲可以打卡，呃下like𠻹。
📍 香港鐵路博物館
地址：香港大埔大埔墟崇德街13號
嚟到第四站，即喺今日最後嘅行程。就嚟到大埔老字號樹記腐竹，喺度除咗可以揾到唔同嘅腐竹產品，仲可以搵到特別嘅腐竹雪糕同腐竹雪條，都喺採用100%嘅腐竹製成㗎！為咗迎合𠵱家健康嘅需求樹記腐竹都有提供唔少嘅素食，大家有興趣都可以去大埔買。
📍 樹記腐竹
地址：大埔鄉事會街9-15號寶蓮樓2A
今日嘅行程就到呢度啦，等下次小編再帶大家去玩啦〜〜
即刻睇片喇～～