想出去行吓又唔想出到咁遠，行山又覺得行太耐太辛苦〜咁啱曬你啦!!!接落嚟嘅行程，我哋會出發去鯉魚門 (又稱為三家村)，交通工具除咗巴士同小巴之外，大家都可以搭地鐵到油塘地鐵站，喺A1出口再步行大約10分鐘，非常方便，半日時間輕輕鬆鬆咁行完🥰
如果你都想知道行程，就要繼續睇落去啦✨✨
第一站 – 海鮮街
1960年代開始，鯉魚門發展成著名嘅漁港，以海鮮最令人諗起喱個地方，所以鯉魚門沿途都有超多間海鮮同漁貨店鋪。佢地理上沿海，所以都保證食材非常新鮮，仲有其他特色傳統小店，包括有買傳統小食，有興趣都可以買㗎。
第二站 – 鯉魚門燈塔
鯉魚門燈塔主要為來往鯉魚門海峽嘅船隻照明同導航，已經有接近五十年嘅歷史，喺潮退期間仲可以行到去燈塔嘅石到，吸引唔少人過嚟打卡同釣魚，影日落都幾浪漫。
第三站 – 鯉魚門天后廟
有接近200年歷史嘅鯉魚門天后廟，佢保佑漁民出海嘅時候可以順順利利。𠵱家已經被列為香港三級歷史建築。
沿路都有指示，所以跟住行都唔洗驚㗎！
第四站 – 鯉魚門石礦場
大家睇IG或者網上嘅相，都會見到鯉魚門有個有好多芒草嘅地方，就喺鯉魚門石礦場。不過，芒草無咗都可以嚟睇石山同廢墟，打卡一流，可以稱為秘景㗎!
想睇片知道行程，就睇𠹺啦📹📹