有無人諗過喺鬧市海傍可以感受到舊時香港時光？
微型藝術家—安泰創作咗唔少微型藝術品，包括用家作為主題嘅家的時光盒子、玻璃磚同大小電視藝術品一樣。依家仲有將佢嘅作品展示咗喺一段金鐘至灣仔海濱長廊，仲對住維多利亞港，一個個細細個嘅盒仔都好似倒流香港嘅舊時光，好值得過嚟望吓。
今次有機會可以參與到安泰帶住梓鍵，一齊安裝新嘅萬聖節主題嘅家的時光盒子，見到由前期工作、到量位、到安裝上去嘅過程都需時大量時間去籌備，仲可以了解到背後每一件零件嘅作用。
小編最欣賞喺安泰藉住「 微行動mini movements 」，除咗創作之外仲會帶一班老人家或有需要嘅人士嚟到維多利亞港嘅海傍，帶佢地離開固有社區去感受一下社區嘅氣氛，非常有意義。
依家就帶大家睇吓微型藝術家-安泰作品啦！
▲家的時光盒子(萬聖節🎃)
▲ 家的時光盒子(端午節)
▲ 家的時光盒子(夏天暑假生活)
▲ 家的時光盒子(復活節)
▲玻璃磗(家常便飯)
▲ 玻璃磗(賀年)
每一秒發現嘅事都透過電視屏幕望住維多利亞港，好似可以記錄住香港嘅日與夜、天氣、高樓大廈同船隻等。
▲大電視
▲細電視
咁有意義嘅微型藝術，大家仲唔快啲過嚟睇吓，除咗打卡之外仲可以留意每件作品嘅小彩蛋架！！尢其身邊微細事物都可以是一件藝術品，需要我哋逐一去發現✨
(圖片來源: On Tai安泰)
🔈如果大家都期待安泰未來嘅作品作品，歡迎追蹤佢嘅Facebook專頁〜〜