帶你遊走渡輪碼頭 海濱公園 動漫海濱樂園！
今次帶大家去到灣仔，等大家喺鬧市都可以慢遊吓，成個行程嘅交通都非常方便，難度只需一粒星，帶老人家定小朋友去都無問題。唔講咁多，即刻出發喇〜
第一站 – 灣仔渡輪碼頭
今次，我哋由海港中心出發，沿住指示牌向住碼頭就無錯㗎啦！
大家可以沿住粉紅花花路行入去，配𠹺好天氣，影相就一流。
灣仔渡輪碼頭有來往尖沙咀同灣仔嘅班次，
唔知大家平時經過會唔會留意吓碼頭嘅佈置呢？
經過嘅就更加唔好錯過最高嘅公眾觀景台，
有好似温室植物嘅設計之外，仲可以望住維港嘅景色，
坐喺到望住個海，都真喺幾舒服！
第二站 – 灣仔臨時海濱公園
海濱公園喺可以連接住灣仔北至石塘咀。
佢成為維多利亞港最長，而接近有5.5公里的海濱長廊。
最近有新落成用相框同霓虹燈裝飾設計嘅灣仔路牌佈置，
可以俾大家打卡之外，仲有唔同設計嘅櫈等休憩空間設施，
帶狗狗🐕🦺嚟都一樣歡迎。
第三站 – 香港動漫海濱樂園
經過金紫荊廣場，隔離就喺我哋今日嘅最後一站 – 香港動漫海濱樂園，
入面展出咗30個本地原創動漫人物嘅塑像，
營造咗一個充滿特色嘅港漫場景！
唔知大家識幾多個人物呢？
想睇片知道行程，就睇𠹺啦📹📹