塔門假日懶人包 日出星空任你睇

【慢遊香港】

最近天氣咁好,又係山糸女孩男孩出動既時候喇!塔門係一個集合左樸素漁村同埋大草地既地方,週末想遠離煩囂黎呢到一日就即刻輕鬆曬,中意既話仲可以係到留一晚露營睇日山日落再加埋望住個無敵大海景訓,一路野餐一路睇牛,幾捨意呀!

1:士多/酒家

一落左船行兩步,好快就會見到幾間士多同酒家,食既野都大致一樣。如果想係呢到野餐或者露營過夜既朋友就要係到入定貨喇,上左山係冇野食野飲買嫁!

海膽炒飯係塔門出名既野食,啲海膽既份量都唔算多,價錢都偏貴。小編食過,第一下見到個樣咁靚真係幾興奮嫁!不過食落就覺得冇咩特別,叫做試過下咁啦!

不得不歌頌下既係塔門既無冰凍奶茶同埋薑汗豆腐花,簡直係消暑既品呀!因為冇加冰既關係,無冰凍奶茶點飲都係咁濃咁香,好想瘋狂飲奶茶呀!另外,呢到啲豆腐花薑味好重又凍涼,唔係剩係得個甜字,最重要係一碗只係10蚊炸!

2:觀景台大草地

之後繼續行就會見到上山既路,行一陣好快就會見到一大片青青草地,多數人就會選擇係呢到露營,星期六日尤其多人。仲有勁多隻牛牛好悠哉咁係到食緊草,過去同佢地影兩張相都ok嫁!不過就記住唔好亂掂或者騷擾佢地喇。

3: 呂字疊石/龍筋頸

如果係中意睇下自然奇景既朋友,就要去睇下塔門既名勝呂字疊石同龍筋頸喇。呂字疊石好容易搵到,沿住觀景台小徑同埋地標行20分鐘左右就會見到,即刻打卡影番張文青相先!至於龍筋頸就要行多個幾鐘先見到喇,除非你真係好想睇奇石同行過下山,小編建議睇完疊石已經夠,可以番番去大草地到野餐呀放風箏chill下。

呂字疊石

龍筋頸

4:露營(觀景台大草地)

唔少人黎塔門既目的都係為左睇日出日落同埋星空,小編睇過真係覺得好靚,係香港城市裡面真係冇可能睇到。


想知道更多的旅遊資訊?無論是出發前計劃行程,以至旅程途中,有任何問題馬上來找TravelFlan問問旅友 樂意為你一一解答 🙂

去旅行有問題要幫手?要plan行程book餐廳?

【TravelFlan】免費幫你plan行程😍

有咩問題就Facebook inbox我地啦

Facebook Messenger: http://m.me/Travelflan

服務簡介: http://bit.ly/travelflan_video

想即時獲得最新日韓台旅遊資訊: http://bit.ly/2hQZodf

分享給朋友們吧!
Tagged

Leave a Reply

Your email address will not be published. Required fields are marked *