【仲買葡撻?】 超過60年歷史的老味道!澳門懷舊花生店

【吃貨推介】 【快閃澳門】

人人都知澳門係一個美食之都,嚟到澳門唔帶啲手信走,好似冇嚟過咁。

黃子街轉角入邊藏匿咗一間小店,仲保留住60年代的懷舊風格。

米黃色嘅舊式招牌、放滿花生嘅鐵皮車仔、木製的櫥櫃。

1962年開始,佢哋已經專賣花生、瓜子等零食,至今從未搬遷。

要尋訪老澳門的人情味,時香絕對係滿分之選。

相信有好多老澳門見到,都會諗返好多以前嘅美好時光。

老闆岑先生係第二代傳人,咁多年嚟,好多嘢依舊親力親為,用行動傳承呢種【老味道】

時香花生瓜子種類繁多,選用青島同廣東進口的花生進行炸、炒、焗等加工程序,分別製成南乳、甘草、魚皮、蝦子、麻辣、芥辣、鮑魚等口味,完全唔含防腐劑。

傳統口味:蝦子花生、魚皮花生、南乳花生、鹽焗腰果

呢個鹹脆花生鹹味適中,十分脆口,拆開包裝就可以聞到花生被炒製後嘅香味,一食就停唔住手。睇電視劇、唱K、飲啤酒等等,佢無疑係最佳拍檔。

創新口味:芥辣花生、炭燒花生、紫菜花生、鮑魚花生、麻辣花生…
都深受年輕一代歡迎嘅芥辣花生,一次幾粒擺入口,
勁度十足嘅芥辣味即時衝入鼻腔,脆卜卜嘅口感,食得特別過癮!

其實除咗花生瓜子,店裡仲有好多堅果類、小点心等等小吃。
麻雀雖細,但五臟俱全,可以一次過買到想買嘅日常小吃。

令小編覺得好感動嘅就係,岑先生對於呢種傳統行業嘅執著,
因為岑先生嘅堅持,先會令我哋年輕一代依舊可以品嚐到呢種經典老味道。

雖然宜家花生隨處都可以買到,不過大量嘅生產都係華而不實,
講實力,始終不及老字號。

時香花生瓜子
地址:澳門皇子街27號地下
( 十月初五街中國銀行後面)
營業時間:09:30 ~ 19:00 (*每月1號休息)

文章提供:iFood

分享給朋友們吧!
Tagged

Leave a Reply

Your email address will not be published. Required fields are marked *